တစ်ယောက်တည်းလမ်းလျှောက်ရင်း
မြေပေါ်မှ ကျောက်ခဲကလေးကို
ခြေထောက်နှင့်လှိမ့်ကန်ခဲ့ဖူးသည်။
လမ်းဘေးအုတ်ခုံမှ ဂစ်တာသံသဲ့သဲ့ကြားရသောအခါ
မည်သည့်သီချင်းများလဲ…ဟု
မသိမသာ နားစွင့်မိဆဲ့….။
ပန်းကလေးတစ်ပွင့်ကို
အမျိုးအမည်မတပ်ဘဲ ချစ်ချင်ခဲ့သည်။
ဂျာကင်အိပ်ထဲလက်နှိုက်ရင်း
တစ်စုံတစ်ယောက်အကြောင်း စဉ်းစားရသည်မှာ
ကိုယ်တစ်ယောက်တည်းမှာရှိသည့်
အမူအကျင့်မှ ဟုတ်ပါရဲ့လား ။
ညဥ့်နက်သန်းကောင်မှ
အိမ်သို့ပြန်လာကြသော တေလေတသိုက်၏
ရယ်သံကိုကြားလိုက်၇သည်။
မအိပ်ချင်သေး…..။
အိပ်လျှင်..အိပ်မက်က လှမည်လား။
ညက လှသည် ။
လရောင်ကလှသည် ။
မကြားချင်ဟု ………
ကိုယ်က ငြင်းဆန်၍ မရနိုင်လောက်အောင်ပင်
နာရီသံချောင်းခေါက်သံက လွင့်ပျံ့လာသည်။
အလွန်ဆုံးခေါက်နိုင်လှ ဆယ့်နှစ်ချက်ပဲ ဟုဆိုကာ
မြူလိုဝေ့ရင်း
ကိုယ် နားထောင်ခဲ့သည်။
" ဒုက္ခနှင့် တစ်ခါကြုံတိုင်း ချစ်သူလက်ကလေး
တစ်ခါကိုင်ချင်သည် " တဲ့။
အိုမာခယမ် ကပြောသည်။
ကိုယ့်ဘက်ကလည်း ပြန်ပြောရမည်လေ..။
" ချစ်မိသူဆိုတာ လောကမှာ စစ်အရှုံးဆုံးသူပါ "
ပြီးရင်……..
နှစ်ယောက်သား ရယ်မောကြမည်။
ခွေးလေခွေးလွင့်တစ်ကောင်သာ
ကိုယ်တို့ နဘေးမှာ ရှိနေမည်ဆိုရင်…
ကိုယ်တို့ နည်းနည်းတော့ ထိုခွေးကို အားနာကြမည်။
လူငယ်ဘ၀ လရောင်ညတွေ..
အို….ဝေစမ်းပါစေလေ..။
ချစ်သူရေ..
အချစ်ဆိုတာ ဘယ်သူမဆို တူးဖော်လို့ ရနိုင်တဲ့
ကမ္ဘာဦးက ဓါးတစ်လက်ပါပဲ။
သံချေးတက်နေတဲ့ ပန်းကနုတ်ကိုတော့
ကိုယ်တို့ ဖုန်သုတ်ပြီးမှ ဖတ်ရလ်ိမ့်မယ်။
အချစ်ဆိုတာ…
ပျော်စရာကို မျှဝေခံစားချင်သည်။
ငိုစရာတွေကိုတော့ ကိုယ်တစ်ယောက်တည်း အကုန်ယူလိုက်မည်။
ဤနေရာတွင်တော့
အိုမာခယမ်နှင့် ကိုယ် သဘောထားကွဲလွဲခဲ့ကြသည်။
ဗီးနပ်(စ်) ရုပ်ထုကို တစ်နေ့နေ့မှာများ………….
ကိုယ် ရယူနိုင်ပါမည်လား ။
သူမ၏ ကျိုးအက်လပ်ဟာနေသော ဘယ်ဘက်ရင်အုံမှာ
မမြင်ရသော ကဗျာတစ်ပုဒ်ရှိမည်ထင်သည်။
မမြင်မှန်းသိလျှက်နှင့် မြင်နိုးနိုး…
သူ့…….ကာရန်တွေကို
ကိုယ်ခိုးမိလိမ့်မည်။
အို….ဗီးနပ်(စ်)…..
အို..အချစ်
နတ်သမီး..
နတ်ဒေ၀တာတစ်ပါးမဆန်စွာ
ဘီလူးရစ်သမ်နှင့် ကိုယ့်အိမ်မက်ကို
သူ " စီး " ခဲ့ပြီလေ..။
တာရာမင်းဝေ
No comments:
Post a Comment
သင့်ရဲ့ ထင်မြင်ချက် စကားလေးတစ်ခွန်းဟာ ကျွန်တော်တို့အတွက် ရှေ့ဆက်ရေးသားရန် အားဆေးလေး တစ်ခွက်ပါပဲဗျာ