မှန်တာပြောရင် ဟိုမော်ဒယ်လုံမလေးကို စပွန်ဆာပေးထားတဲ့ အန်ကယ်ကြီးလောက် ချမ်းသာရပါစေရဲ့။ မဟုတ်မမှန်လုပ်ကြံပြီးပြောခဲ့ရင် ဟဲဟိုးက မော်တော်ဆိုင်ကယ်လို လိန်ဗျံကြီးတည့်တည့်ဝင်တိုက်တာခံရပါစေ။ တသက်နဲ့ တကိုယ် ကျုပ်တို့ ညီအစ်ကို ဘုရားမရှိခိုးဖြစ်တာ လူပျိုပေါက်ဘဝထဲက။ ဘုရားခန်းဆိုတာ အိမ်မှာရှိနေလို့သာ ရှိမှန်းသိတာ။ မဝင်ဖြစ်တာ တော်တော်တောင်ကြာလှပေါ့။ ညီအစ်ကိုနှစ်ယောက်လုံး အဲ့သလောက်ကို ဘာသာရေးကိုင်းရှိုင်းကြတာ။ နဖူးတွေ့ဒူးတွေ့ကြုံပြီးမှပဲ ဘုရားကျောင်းဆောင်ရှေ့ကို ရောက်ဖြစ်တော့တယ်။ ကျုပ်တို့ညီအစ်ကိုက မော်လမြိုင်မှာဖွားတဲ့ မော်လမြိုင်သားလေးတွေ။ ငပေငတေလေးတွေလို့ပြောရင် ပိုတောင်မှန်လေမလားပဲ။ ကျောင်းမတက်ရတဲ့နေ့တွေဆိုရင် မော်လမြိုင်-ကျိုက်မရောလမ်းမှာ ဆိုင်ကယ်နဲ့ စုန်ချည်ဆန်ချည်သွား နေကြတာ အိမ်ကပ်တဲ့နေ့ရယ်လို့ကို မရှိဘူး။ ညဘက်တောင်မှ မကောင်းတတ်လွန်းလို့ အိမ်ပြန်အိပ်တာ။ မဟုတ်ရင်လည်း အိမ်ကလူကြီးတွေ မြင်ပြင်းကပ်ကပ်နဲ့ အမွေပြတ်ကြေငြာလိုက်ရင် ခိုကပ်စရာမရှိဖြစ်မှာလေ။ ဒါကြောင့်လည်း ညီအစ်ကိုနှစ်ယောက် အပြင်မှာဘယ်လောက်ပဲ ညဥ့်နက်နေပါစေ။ ကိုယ့်အိမ်ကိုတော့ ရောက်အောင်ပြန်ပြီး မျက်နှာပြနိုင်အောင်တော့ ပြကြရတာပဲ။ အဲ့သလို အိမ်ပြန်ချိန်နောက်ကျလို့လည်း ခုလိုအဖြစ်မျိုးနဲ့ တည့်တည့်တိုးရတဲ့အဖြစ်။ အဲ့ဒီနေ့က ခါတိုင်းရက်တွေလိုပဲ ကျိုက်မရောမှာရှိတဲ့ သူငယ်ချင်းဆီကို သွားလည်ကြတယ်။ ဖြစ်ချင်လို့ပဲလားတော့ မပြောတတ်တော့ပါဘူး။ ခါတိုင်းဆိုရင် ညီအစ်ကိုနှစ်ယောက်သား ဆိုင်ကယ်တယောက်တစီးနဲ့ သွားတဲ့ခရီးကို ဒီနေ့မှ ဆိုင်ကယ်တစီးတည်းကို နှစ်ယောက်စီးပြီး ထွက်လာမိတာ။ အသွားတုန်းကတော့ အေးအေးဆေးဆေးပါပဲ။ ဒါပေမယ့် ကျိုက်မရောကနေ မော်လမြိုင်ကို ပြန်တော့မယ်ပြင်ကာမှ ဆိုင်ကယ်က စဖောက်ပါလေရော။ ပြန်ပြင်ရင်မကြာလောက်ပါဘူးလေလို့ တွက်ပြီး တောင်ကလိ၊မြောက်ကလိ လျှောက်ကလိရင်းက ည (၁)နာရီခွဲလောက်ရှိမှပဲ ဆိုင်ကယ်က ပြန်ကောင်းသွားတော့တယ်ဗျာ။ ကျွန်တော်တို့ညီအစ်ကိုနှစ်ယောက်ကို စိတ်မချလို့ သူ့အိမ်မှာပဲအိပ်ပြီး မနက်မိုးလင်းမှပြန်ကြဖို့တော့ သူငယ်ချင်းကပြောရှာသား။ ကျွန်တော်တို့မှာကလည်း ကိုယ့်အပူနဲ့ကိုယ်ဖြစ်နေပြီ။ မိုးလင်းပေါက် လျှောက်လေလွင့်နေရကောင်းလားဆိုပြီး အမျက်တော်ရှခံရမှာကို စိုးရွံ့စိတ်က အိမ်ကိုညတွင်းချင်းပြန်ဖို့အတွက် တွန်းအားပေးနေတာနဲ့ သူငယ်ချင်းတားနေတဲ့ကြားက မရမက ပြန်လာခဲ့ကြပါတော့တယ်။ ဆိုင်ကယ်ကို စိတ်မချတာနဲ့ ကျွန်တော့်ကို ပေးမမောင်းပဲ ကျွန်တော့်အစ်ကိုက သူကိုယ်တိုင်မောင်းမယ်ဆိုတော့ ကျွန်တော်က နောက်ကထိုင်စီးပြီးလိုက်လာတယ်။ ကျွန်တော်တို့ ပြန်လာတဲ့အချိန်ကလည်း အချိန်ကောင်းမဟုတ်တော့ဘူးလေ။ မော်လမြိုင်-ကျိုက်မရော လမ်းပေါ်မှာ ဒီလိုအချိန်တော်တန်ရုံ ဘယ်သူက အရေးကြီးကိစ္စမရှိပဲနဲ့ အားအားယားယား လမ်းသလားမှာတဲ့တုန်း။ အဝေးပြေးကားတစီးစ နှစ်စီးစလောက်နဲ့ ကုန်တင်ကားတချို့တလေလောက်ကလွဲရင် လမ်းပေါ်မှာ ကျွန်တော်တို့မောင်းလာတဲ့ ဆိုင်ကယ်လေး တစင်းပဲရှိတယ်။ မိုးသားပဲရှိနေလို့လား၊ လမိုက်ညမို့လားတော့ မသိဘူး။ မှောင်လိုက်တာကလည်း သောက်ကျိုးနည်းပါလေရော။ ဒီလိုနဲ့မောင်းလာလိုက်တာ မော်လမြိုင်-ကျိုက်မရောလမ်းပေါ်က သချိင်္ုင်းလေးခုနားကိုရောက်လာတယ်။ သချိင်္ုင်းလေးခုလို့ အလွယ်ပြောပေမယ့် တကယ်ကတော့ တရုတ်၊ခရစ်ယာန်၊ မွတ်စလင်၊ မြန်မာဆိုပြီး ကိုယ့်အကန့်နဲ့ကို ခွဲထားတဲ့ လူမျိုးပေါင်းစုံသုဿာန်လို့ပြောရင် ပိုမှန်ပေမလားပဲဗျ။ ကျွန်တော်တို့ ကြားဖူးတာကတော့ အဲ့ဒီနေရာက အတော်ကြမ်းတယ်ဆိုပဲ။ ဟုတ်လေ၏ မဟုတ်လေ၏တော့မသိဘူး။ သူများတွေပြောကြတာတော့ အဲ့ဒီနေရာက အတော်နာမည်ကြီးသတဲ့။ ကျွန်တော်တို့နှစ်ယောက်ကတော့ ကြောက်ရလန့်ရကောင်းမှန်းလည်းမသိဘူး။ (တခါမှ မကြုံဖူးသေးတာလည်း ပါတယ်) အဲ....မြန်မာသချိင်္ုင်းရှေ့လည်းရောက်ရော ကျွန်တော့်အစ်ကို ဆိုင်ကယ်မောင်းနေရင်းက ထဖောက်ပါလေရော။ သူ့အသံဗြဲကြီးနဲ့.... " ဘော်ဒါတို့ နေကောင်းကြလား?? ကျွန်တော်တို့ ပျင်းနေလို့ အဖော်လိုက်ခဲ့ကြပါလား " ဆိုပြီး အော်တော့တာပဲ။ သူကတော့ ကျွန်တော်တယောက်လုံး သူ့နောက်ကျောမှာရှိနေတော့ ဘာဖြစ်လိမ့်မတုန်း။ နောက်ကထိုင်နေရတဲ့ ကျွန်တော့်မှာသာ ကျောမလုံသလိုဖြစ်လာရော။ ဒါပေမယ့် ကျွန်တော့်အစ်ကိုကိုလည်း ဘာမှသွားမပြောရဲဘူး။ ကျွန်တော်စိတ်ချောက်ချားမိသိလို့ ထပ်နောက်ချင်စိတ်နဲ့ ပေါက်တတ်ကရတွေ လျှောက်လုပ်မှာလည်း စိုးရသေးတယ်။ ပြီးတော့ သရဲတစ္ဆေ၊ နာနာဘာဝ ဝိနာကွာကွတွေက ကြောက်တဲ့လူကိုပိုခြောက်တယ်လို့လည်း ကျွန်တော် ကြားဖူးထားတာကိုး။ သူ့ပါးစပ်က ဗရုတ်သုတ်ခတွေအော်ပြီးလို့ သိပ်တောင်မကြာလိုက်ပါဘူး။ ကျွန်တော်တို့နောက်ဘက်ကနေ ဆိုင်ကယ်သံတသံကြားလိုက်ရတော့ ကျွန်တော်လည်း အတော်ဝမ်းသာသွားတာ။ ကျွန်တော့်အစ်ကိုလည်း .... " တော်သေးတယ်ကွ... ဆိုင်ကယ်အဖော်ပါလာပြီဟ" ဆိုပြီး အနောက်မှာထိုင်နေတဲ့ကျွန်တော့်ကို လှမ်းပြောသေးတယ်။ ကျွန်တော်လည်း ဝမ်းသာအားရနဲ့ နောက်မှာပါလာတဲ့ ဆိုင်ကယ်ကို လှည့်လည်းကြည့်လိုက်ရော ဆိုင်ကယ်ကိုလည်း မြင်ရတယ်။ ဆိုင်ကယ်ပေါ်မှာလည်း လူတယောက်မောင်းလာတယ်။ ဒါပေမယ့် ဆိုင်ကယ်ဦးထုပ်ဆောင်းထားတာလည်း မမြင်ရဘူး။ ကျွန်တော်လည်း သေချာအောင်ထပ်လည်းကြည့်ရော သောက်ကျိုးနည်းဗျာ။ ဆိုင်ကယ်မောင်းလာတဲ့ကောင်မှာ ခေါင်းမှပါမလာတာ။ ကိုယ်လုံးပဲမြင်နေရတယ်။ ကျွန်တော့်မျက်စိမှားတယ်ထင်လို့ ကျွန်တော့်အစ်ကိုကို " ဟေ့ကောင် နောက်ကဆိုင်ကယ်ကို တချက်လောက် မှန်ထဲကနေ လှည့်ကြည့်ဦး " လို့ ပြောလိုက်မိသေးတယ်။ သူ့ဆီကနေ " ဟာ... " ဆိုတဲ့ အသံကြီးထွက်လာပြီး နောက်ငါးစက္ကန့်လောက်နေမှ " ဟေ့ကောင် " ဆိုပြီး အသံထပ်ထွက်လာတယ်။ ကျွန်တော်လည်း " အေး...ဟေ့ကောင် ... မောင်း " ဆိုတဲ့ အသံကို လည်ချောင်းတွေ ခြောက်ကပ်နေတဲ့ကြားထဲက မနည်း အားတင်းပြီး သူ့ကို ပြောလိုက်ရတယ်။ ကျွန်တော့်အသံလည်းဆုံးရော ကျွန်တော့်အစ်ကိုပါးစပ်ကနေ " အား " လို့အော်တဲ့အသံလိုလို " ကျား .. " ဆိုပြီး မာန်သွင်းတဲ့အသံလိုလို ဗလုံးဗထွေးအသံကြီး အကျယ်ကြီးထွက်လာတာ မော်လမြိုင်တမြို့လုံးတောင် ကြားရလောက်တယ်။ ဆိုင်ကယ်ကို နင်းကန်မောင်းလာလိုက်တာ အ်ိမ်ကိုဘယ်လိုဘယ်ပုံရောက်လာကြမှန်း မသိဘူးအဟုတ်။ အိမ်ရောက်တော့ ကိုယ့်အခန်းကို ပြန်မအိပ်ရဲကြတော့ပဲ ဘုရားခန်းထဲမှာ ဘုရားကို ဖင်ဗူးတောင် ထောင်နေအောင် ရှိခိုးကန်တော့ပြီး ဘုရားကျောင်းဆောင်ရှေ့မှာတင် ဖျာလေးခင်းပြီး အိပ်လိုက်ကြရတော့တယ်။ ဒါတောင် အိမ်ရှေ့ကနေ ဆိုင်ကယ်စက်သံကြားရင် စိတ်ထဲမှာ ဟိုခေါင်းပြတ် အိမ်အထိလိုက်လာပြီထင်ပြီး စိတ်ထဲ ခြောက်ချားပြီး တော်တော်နဲ့ အိပ်မရဘူး။ အဲ့ဒီအချိန်ကစလို့ ကျွန်တော်တို့ ညီအစ်ကို ဘုရားတရားလုပ်ဖြစ်သွားတာ ဒီနေ့ဒီအချိန်ထိပဲ။ ကိုယ်တိုင်မကြုံလို့ မယုံဘူးဆိုလည်း အပြစ်မမြင်ပါဘူးဗျာ။ ကိုယ်တိုင်ကြုံမှ ယုံချင်သူတွေတော့ အမြန်ဆုံးကြုံတွေ့နိုင်ကြပါစေလို့တော့ ဆုတောင်းပေးပါတယ်။ သရဲခြောက်ခံရတာလည်း အဖော်အပေါင်းနဲ့ဆိုရင်တော့ နည်းနည်းတော့ ခုသာခံသာရှိတယ်ဆိုတာပြောရင်းနဲ့ပဲ နိဂုံးချုပ်လိုက်ပါရစေ။
Credit to myanmarghoststory
No comments:
Post a Comment
သင့်ရဲ့ ထင်မြင်ချက် စကားလေးတစ်ခွန်းဟာ ကျွန်တော်တို့အတွက် ရှေ့ဆက်ရေးသားရန် အားဆေးလေး တစ်ခွက်ပါပဲဗျာ