ယနေ့ လူအများစုဟာ စိတ်ဖိစီးမှုတွေနဲ့ အများဆုံး ရင်ဆိုင်နေရပါတယ်။ လူတွေဟာ စိတ်ဖိစီးမှုတွေကြောင့် သက်တမ်းတိုလာပြီး လူ့သက်တမ်းစေ့ မနေရဘဲ စိတ်ဝေဒနာအမျိုးမျိုးကို ခံစားကြရပါတယ်။ လူ့လောကမှာ အသက်ရှည် ကျန်းမာ စိတ်ချမ်းသာစွာနဲ့ ဖြတ်သန်းနိုင်ဖို့ ပြောပြချင်ပါတယ်။
ဘဝမှာပျော်ရွှင်အောင် နှစ်လိုဖွယ် အပြုံးဆောင်ဖို့ ''ပျော်ရွှင်ဖွယ် -၂၁'' ချက်နဲ့ ကိုက်ညီဖို့ လိုအပ်ပါတယ်။
(၁) မရသေးတာအတွက် တဖျစ်တောက်တောက် လုပ်မနေဘဲ လက်ရှိအလုပ်ကို အကောင်းဆုံး လုပ်ရမယ်။
(၂) တစ်ကိုယ်တည်းမနေရ။ မြိုသိပ်ထားသမျှကို စိတ်ချရတဲ့ မိတ်ဆွေတစ်ယောက် ထံမှာ ရင်ဖွင့်တဲ့ အကျင့်လုပ်ရမယ်။
(၃) ကိုယ့်ကိုယ်ကိုယ် သူများနဲ့ မနှိုင်းယှဉ်သင့်ဘူး။ ကိုယ့်အစွမ်းကို တိုးတက် လာအောင်သာ ကြိုးစားဖို့လိုတယ်။
(၄) လူအမြင်ကတ်လောက်အောင် နိုင်ငံရေးဝေဖန်သလိုမျိုး စိတ်လှုပ်ရှားမှုမျိုးကို ရှောင်ရမယ်။
(၅) အတိတ်က ဝမ်းနည်းစရာ၊ ဒေါသထွက်စရာများနဲ့ နောင်တတွေ ကို အဖန်တလဲလဲ ပြန်လှန်တွေးတောမကြည့်ရ၊ ကိုယ်တိုင်ခွင့်လွှတ်ရမယ်။
(၆) နေရာတကာ အလေးပေးခံချင်စိတ် (ကလေးစိတ်) ဖျောက်ပါ။ ကိုယ့်ကိုယ်ကိုယ် စိတ်ချမ်းသာစေတဲ့ အလုပ်လုပ်ပါ။
(၇) မိမိမအောင်မြင်တာ တခြားသူကြောင့်လို့ အပြစ်မတင်ရ။ ကိုယ့်ရည်မှန်းချက်ကို လမ်းပြမြေပုံဆွဲပြီး လျှောက်ပါ။
(၈) အမှားလုပ်မိတဲ့အခါ အမှားကို သင်ခန်းစာယူပါ။ နောင်တ၊ ပြစ်တင်ကဲ့ရဲ့ခြင်း တစ်ခုတည်းနဲ့ အချိန်တွေကို မကုန်စေရ။
(၉) အကျင့်ဆိုးများထဲမှာ နစ်မနေရ။ ကိုယ့်ဘဝ တိုးတက်အောင်မြင် စေမယ့် အကျင့်ကောင်းကို မွေးမြူကျင့်သုံးပါ။
(၁ဝ) ကိုယ့်ဘဝအတွက် အဖိုးတန်သော အချိန်များကို အင်တာနက်နဲ့ ဖေ့ဘွတ်ထဲမှာ အချိန်ဖြုန်းပြီး အချိန်ကုန်မခံသင့်။ အဓိပ္ပာယ်ရှိတဲ့ အလုပ် တစ်ခုလုပ်ပါ။
(၁၁) သူများဖြစ်စေချင်တဲ့ ပုံစံနဲ့ချည်းမနေရ။ ကိုယ့်ဘဝကို ကိုယ်ဖြစ် ချင်တဲ့ပုံစံနဲ့နေပါ။ စိတ်ကိုပျော်အောင်ထားပါ။
(၁၂) တဒင်္ဂဆုံးဖြတ်ပြီး ပြီးစလွယ်မလုပ်ရ။ အချိန်တိုင်းအဓိပ္ပာယ် ပြည့်ဝစွာဖြင့် ဘဝကိုဖြတ်သန်း လုပ်ကိုင်ပါ။ စနစ်ရှိပါ။
(၁၃) တစ်ချိန်လုံး စိုးရိမ်ပူပန်စိတ်နဲ့ စိတ်ဖိစီးမှုမဖြစ်စေရ။ စိတ်ကို ရှင်းနေအောင်ထားပါ။ လက်ရှိဖြစ်နေတာကို လက်ခံပါ။
(၁၄) လုပ်ချင်တာနဲ့ ဖြစ်ချင်တာ မဖြစ်ရကောင်းလားဆိုပြီး စိတ်မညစ်ရ။ ကိုယ်လုပ်ချင်တာနဲ့ ဖြစ်ချင်တာကို သေချာစွာရွေးချယ်ပါ။
(၁၅) စိတ်ကိုအလို လိုက်တာရှောင်ပါ။ လူတိုင်းကိုယ်စီ တန်ဖိုးရှိစွာ လုပ်ကိုင်တတ်ကြောင်း အသိအမှတ်ပြုပါ။ ယုံကြည်မှုထားပါ။
(၁၆) ကိုယ်သိ၊ ကိုယ်တတ် လူတတ်ကြီးစိတ်ကို ဖျောက်ပါ။ လူတိုင်းမှာ အစွမ်းတစ်ခုရှိတယ်။ ပူးပေါင်းဆောင်ရွက် နေထိုင်တတ်ရမယ်။
(၁၇) သူများအထင်ကြီးအောင် ဟန်ဆောင်မလုပ်ရ။ ကိုယ့်ပုံစံကောင်းနဲ့ လူအများ လက်ခံလာအောင် နေထိုင်လုပ်ကိုင်ပါ။
(၁၈) ကိုယ့်ကိုအဆိုးမြင်သူတွေနဲ့ ဝေးဝေးနေပါ။ အကောင်းမြင်သူ ကြားမှာနေပါ။ ဒါမှနေပျော်တဲ့ ဘဝကိုပိုင်ဆိုင်မယ်။
(၁၉) သူများပြောတိုင်း ခေါင်းမညိတ်ရ။ ကိုယ့်ကိုယ်ကိုယ် တန်ဖိုးထားပါ။ ငြင်းစရာရှိလျှင် လိမ္မာစွာငြင်း တတ်ပါစေ။
(၂ဝ) ထိပ်တန်းအောင်မြင်မှု ရလိုဇောနဲ့ ပြိုင်ဆိုင်တာရှောင်ပါ။ ကမ္ဘာကြီးဟာ ကြိုးစားသူတိုင်း အတွက် နေရာပေးပါတယ်။
(၂၁) အသစ်အသစ်များကို စမ်းသပ်ဖို့ရာ မကြောက်ပါနဲ့။ အဆိုးမြင် စိတ်ကို ဦးစွာဖျောက်ပါ။ အလုပ်ဆိုတာ ထင်သလောက်ကြောက်စရာ မရှိပါ။
ဒီ ''ပျော်ရွှင်ဖွယ်-၂၁'' ချက်ဟာ မိမိကိုယ်မိမိ အရှင်သခင်ဖြစ်ဖို့ စွမ်းဆောင်နိုင်လို့ ဂုဏ်ကျက်သရေနဲ့ ပြည့်စုံနိုင်အောင်၊ ဘဝမှာနေပျော်အောင် နှစ်လိုဖွယ်အပြုံးကို ဆောင်ပြီး စေတနာထား အလုပ်လုပ်ပါလို့ လမ်းပြနေခြင်း ဖြစ်ပါတယ်။
Myawady News
No comments:
Post a Comment
သင့်ရဲ့ ထင်မြင်ချက် စကားလေးတစ်ခွန်းဟာ ကျွန်တော်တို့အတွက် ရှေ့ဆက်ရေးသားရန် အားဆေးလေး တစ်ခွက်ပါပဲဗျာ