ဆယ်တန်း ဆယ်ခန်း ကိုကိုနန်း (ဟာသလေးပါ..)

(ကိုကိုနန်းညွန့်ဦး ဖြစ်ရသော အကြောင်းရင်း)
ဒီနေ့ ဒသမတန်း လို့ ခေါ်တဲ့ ၁၀ တန်းကို ကျောင်းစတက်ရတဲ့နေ့..။
ကာလအပိုင်းအခြားကတော့ ၁၉၉၇ ခုနှစ် ဇွန်လ ၂ရက်နေ့ပေါ့ဗျာ..။
၁၀ တန်းရောက်ပြီကွ ဆိုပြီး အူမြူးနေပြီး မာန်တက်ချင်ချင် ဖြစ်နေတဲ့
ကျွန်တော်က အမေဆင်ပေးလိုက်တဲ့ အဖြူအစိမ်း အသစ်ကလေးနဲ့
တောက်ပနေတာပေါ့လေ..။ ကျောင်းမှာက ၁၀တန်း သင်တဲ့ အခန်း ၁၀ ခန်း
တောင်ရှိပါတယ်..။ နောက်ပိုင်းမှာ ပါလာဖို့ ရှိလို့ ကြိုပြောထားတာပါ..။
ကျွန်တော်က B လို့ခေါ်တဲ့ ခခွေးတန်း မှာပေါ့ဗျာ..။
ကိုးတန်းတုန်းက ဆရာမကပဲ အခု ဆယ်တန်းမှာပါ..အတန်းပိုင်ဖြစ်နေတော့ သိပ်လည်း
မကြောက်ချင်ဘူး ပေါ့လေ…။ မကြောက်ချင်ပေမယ့် အဲ့ဆရာမက စေတနာလွန်ရင်
အင်မတန် အရိုက်ကြမ်းလေ့ ရှိပါတယ်..။ ကျွန်တော့် ကိုတော့ သိပ်ရိုက်လေ့
မရှိတာတော့ ကျွန်တော်က သိနေပါတယ်..။ ဆရာမရဲ့ လက်စွဲတော်လေ..။ ကျွန်တော်က
…လိမ်လိမ်မာမာနေတက်ပြီး ညစ်ကျယ်ကျယ် ကောင်လေးပေါ့လေ..
ကျောင်းတက်ချိန်ရောက်တော့ ဆရာမက အရင်ဆုံး ကျောင်းသားခေါင်းဆောင်
ရွေးချယ်ခြင်း..အသင်း ခေါင်းဆောင် ရွေးချယ်ခြင်း..အရွယ်ကြီးငယ် အလိုက်
နေရာရွေးချယ်ခြင်း စတာတွေကို ဆောင်ရွက်ပါတယ်..။ အဲ့ဒီလို
ဆောင်ရွက်ပြီးတော့မှ အတန်းတက်/မတက် နာမည်ခေါ်ခြင်းကို ဆောင်ရွက်ပါတယ်..။
ဇာတ်လမ်းက အဲ့ဒီမှာ စပါတယ်..။
အက္ခရာစဉ်လိုက် နာမည်ခေါ်နေရင်းနဲ့ ရှေ့ဆုံးတန်းမှာ ထိုင်ခွင့်ရတဲ့
ကျွန်တော့်ကို နာမည်ခေါ်ပါတယ်..။
"နန်းညွန့်ဦး"
"………"
ကျွန်တော်လည်း ကြားပါတယ်..။ ဆရာမခေါ်တာကိုလေ..။ ဒါပေမယ့် မထူးဘူးဗျ..။
အဲ့တာနဲ့ ဆရာမက ထပ်ခေါ်တယ်..။
"နန်းညွန့်ဦး"
"………"
မထူးပြန်ဘူးဗျ..။ ဒါနဲ့ ဆရာမ စိတ်တိုလာတယ် ထင်ပါတယ်..။
"ဟဲ့..နန်းညွန့်..။ နင့်ကို ခေါ်နေတာလေ..။ နားကို ဘယ်မှာ ထားခဲ့လဲ"
"ကျွန်တော် နာမည်ပြောင်းလိုက်ပြီ ဆရာမ..။ ကျွန်တော့်နာမည်
အပြည့်အစုံခေါ်မှ ထူးမယ်..။"
ကျွန်တော်လဲ ခပ်တည်တည်ပဲဗျ..။ အဲ့လို ပြောလိုက်ပါတယ်..။ ထုံးစံအတိုင်း
တစ်ခုခုလုပ်ရင် ၀ိုင်းကြည့် ခံရတဲ့ ဇာတာရှင်ကြီးဆိုတော့ အကြောင်းသိတွေက
နန်းညွန့်တော့ ပြဿနာရှာပြီလို့ ထင်မှတ်ကြပါတယ်..။
ဆရာမကလည်း သိပ်မကြည်တော့ပါဘူး..။ အဲ့တော့ မေးလိုက်ပါတော့တယ်..ကျွန်တော့်ကို..
"ဟုတ်လား…ဘယ်တုန်းက ပြောင်းလိုက်တာလဲ.။ ဘယ်လိုခေါ်သလဲ..နာမည်က…"
"ကျွန်တော့် နာမည် ကိုကိုနန်းညွန့်ဦး လို့ ပြောင်းထားပါတယ် ဆရာမ.."
ကျွန်တော့် စကားသံ အဆုံးမှာ ရယ်သံခပ်အုပ်အုပ်လေးတွေ ထွက်လာပါတယ်..။
တချို့ကတော့ မထိန်းနိုင်ဘူး နဲ့ တူပါတယ်..။ သိသိသာသာကြီးကို
ထွက်လာပါတယ်..။ ဆရာမ မျက်နှာကို ကြည့်တော့လည်း ရယ်ချင်ချင် ရုပ်နဲ့…။
အဲ့ဒီအချိန်မှာ ကျွန်တော်ကြားလိုက်ရတာကတော့….အနူမြူဗုံး ၁၀
လုံးကွဲသံ..အဲလေ..ဆရာမခေါ်သံ..။
"ဟုတ်ကဲ့ရှင့်..အတန်းရှေ့ကို ကြွလာပါဦး ကိုကိုနန်းညွန့်ဦး.."
စပ်ဖြီးဖြီးရုပ်နဲ့ ထွက်လာရပါတော့တယ်ဗျာ….ကျွန်တော်လည်း…။ အတန်းရှေ့ရောက်တော့..
"ဘယ်တုန်းက ပြောင်းလိုက်တာလဲ..အခုပြောတဲ့နာမည်ကို..ပြောစမ်းပါဦး။"
"ဒီ..ဒီနေ့မနက်ပဲ..ဆရာ..ဆရာမ.."
"ဟုတ်လား..။ ဒါဆို ဆရာမက တစ်ကျောင်းလုံးသိသွားအောင်
ဆောင်ရွက်ပေးရမှာပေါ့။။ ငါ့တပည့်လေးရဲ့ နာမည်အသစ်ကို..။ ဟုတ်လား..။"
"ရ..ရတယ်..ဆရာမ .ကျွန်တော် မပြောင်းတော့ဘူး..နန်းညွန့်ဦး ပဲ
ကောင်းပါတယ်..ဟဲ..ဟဲ..။"
နည်းနည်းတော့ လန့်လာပြီဗျ..။ ကျောင်းအုပ်ဆီပို့တော့မယ် ထင်နေတာ..။
တစ်ကယ်တန်းကျတော့.
"လာ ..လိုက်ခဲ့..။ နင် ၁၀ တန်း ၁၀ခန်းစလုံးကို တစ်ခန်းဝင် တစ်ခန်းထွက်
လိုက်ပြောရမယ်..။ ကျွန်တော့်နာမည် ကိုကိုနန်းညွန့်ဦးပါ.ခင်ဗျ..လို့..။"
သွားပြီ…အရိုက်ခံလိုက်တာကမှ သက်သာဦးမယ်..။ ကျောင်းစတက်တက်ချင်း နေ့ပဲ
ရှိသမျှ တောက်ရှက်တော့ ကွဲဘီ..။ လျှာရှည်တဲ့ပါးစပ် နောက်နေ့မှ ဒန်ပေါက် ၅
ပွဲနဲ့ ကျွေးသတ်ဦးမယ်..။
အဲ့တာနဲ့ မရဲ တရဲ အခန်းထဲကို လှည့်ကြည့်မိတော့ ကျေနပ်အားရနေတဲ့
မျက်ခွက်တွေနဲ့..။ စိတ်တိုစရာကောင်း လိုက်တာဗျာ..။ တစ်ကယ်ကြီး ပြောတာ..။
နောက်ဆုံးတော့လည်းဗျာ…… ကျွန်တော်ချစ်သောဆရာမက ကျွန်တော့်အား
ကောင်းမွန်စွာ ပေးအပ်လာသော ပြစ်ဒဏ်ကို ကျွန်တော်ကလည်း
ကျေကျေနပ်နပ်ဖြင့်…တစ်ခန်းဝင်…တစ်ခန်းထွက်..ကာ…။
"ကျွန်တော့် နာမည်..ကိုကိုနန်းညွန့်ဦး ပါ ခင်ဗျ..။"
"ကျွန်တော့် နာမည်..ကိုကိုနန်းညွန့်ဦး ပါ ခင်ဗျ..။"
"ကျွန်တော့် နာမည်..ကိုကိုနန်းညွန့်ဦး ပါ ခင်ဗျ..။"
" ကိုကို နန်းညွန့်ဦး ပါ ခညာ…"
လို့ ဆယ်တန်း ဆယ်ခန်း စလုံးကို…….
ကိုကိုနန်း ကရှိစုမဲ့စု တောက်ရှက်ကလေး ဘေးမှာ ချလို့……..
ကြိမ်လုံးကလေး ဆကာ..ဆကာ..လုပ်တဲ့ ကျွန်တော် ချစ်သောဆရာမ ပေးတဲ့
ပြစ်ဒဏ်ကို ခံရင်း..
လက်ကလေးပိုက်ကာ..ခေါင်းကလေး ငုံပြီး…
ရိုကျိုး အားငယ်စွာနဲ့…လိုက်ပြောနေရတာကတော့….
"ကျွန်တော့် နာမည်..ကိုကိုနန်းညွန့်ဦး ပါ ခင်ဗျ..။"

ခင်များတို့ကပါ..ဖတ်ရင်းနဲ့ ရယ်နေကြတာလား…။ ဟွန်းနော်..။ နောက်တော့မှ
ကိုကို အဖွဲ့ ဖွဲ့စည်း တည်ထောင်ခြင်း ဆက်ရေးဦးမယ်..။ ကြည့်နေ…။

ပျော်ရွှင်ကြပါစေဗျာ….။ တစ်ကယ့်ဖြစ်ရပ်မှန်လေးပါ..။
ကိုကိုနန်းညွန့်ဦး
Email : nnophoto@gmail.com


Nann Nyunt Oo