နိုင်ငံတော်သမ္မတဦးသိန်းစိန် ပြည်ထောင်စုအဆင့် အဖွဲ့အစည်းများမှ အကြီးအကဲများ၊ ပြည်ထောင်စုအစိုးရ အဖွဲ့ဝင်များအား မိန့်ခွန်းပြောကြား နိုင်ငံတော်သမ္မတဦးသိန်းစိန် ပြည်ထောင်စုအဆင့် အဖွဲ့အစည်းများမှ အကြီးအကဲများ၊ ပြည်ထောင်စုအစိုးရ အဖွဲ့ဝင်များအား မိန့်ခွန်းပြေ

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတဦးသိန်းစိန်၏
မိန့်ခွန်းနာခံခြင်းနှင့် ကတိသစ္စာပြုခြင်း အခမ်းအနားကို ယနေ့နံနက် ၉
နာရီခွဲတွင် နေပြည်တော်ရှိ နိုင်ငံတော် သမ္မတရုံး ခန်းမဆောင်ကြီး၌
ကျင်းပသည်။

အခမ်းအနားသို့ နိုင်ငံတော်သမ္မတဦးသိန်းစိန်၊ ဒုတိယသမ္မတများ ဖြစ်ကြသည့်
ဒေါက်တာ စိုင်းမောက်ခမ်းနှင့် ဦးဉာဏ်ထွန်း၊ တပ်မတော်
ကာကွယ်ရေးဦးစီးချုပ်၊ ဒုတိယတပ်မတော် ကာကွယ်ရေးဦးစီးချုပ် ၊
ပြည်ထောင်စုတရားသူကြီးချုပ် ၊ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ၊
ပြည်ထောင်စုဝန်ကြီးများ ၊ ပြည်ထောင်စုစာရင်းစစ်ချုပ်၊ ပြည်ထောင်စု
ရာထူးဝန်အဖွဲ့ဥက္ကဋ္ဌ၊ ဒုတိယဝန်ကြီးများနှင့် ခန့်အပ်တာဝန်ပေးရန်
ရွေးချယ်ထားသော ပုဂ္ဂိုလ်များဖြစ်သည့် ဒုတိယဝန်ကြီးများ တက်ရောက်ကြသည်။

အခမ်းအနားတွင် အခမ်းအနားမှူးအဖြစ် နိုင်ငံတော်သမ္မတရုံး
ညွှန်ကြားရေးမှူးချုပ် ဦးမင်းဇော်က ဆောင်ရွက်ပြီး
တွဲဖက်အခမ်းအနားမှူးအဖြစ် ပြည်ထောင်စုအစိုးရအဖွဲ့ရုံး
ညွှန်ကြားရေးမှူးချုပ် ဦးတင်မျိုးကြည်က ဆောင်ရွက်သည်။

ရှေးဦးစွာ ဒုတိယဝန်ကြီးများအဖြစ် ခန့်အပ်တာဝန်ပေးရန် ရွေးချယ်ထားသော
ပုဂ္ဂိုလ်များ သည် နိုင်ငံတော်သမ္မတ၏ ရှေ့မှောက်၌ ကတိသစ္စာပြုရန်
နေရာယူကြသည်။

ထို့နောက် နိုင်ငံတော်သမ္မတရုံး ပြည်ထောင်စုဝန်ကြီး ဦးသိန်းညွန့်က
ကတိသစ္စာကို တိုင်ပေးပြီးကတိသစ္စာပြုသည့် ပုဂ္ဂိုလ်အားလုံးက
"ကျွန်ုပ်-----သည် ဒုတိယဝန်ကြီးအဖြစ် ခန့်အပ်ခံရပြီးဖြစ်သဖြင့်
နိုင်ငံတော်ဖွဲ့စည်းပုံ အခြေခံဥပဒေကို ထိန်းသိမ်းကာကွယ်
စောင့်ရှောက်ပြီး၊ နိုင်ငံတော်၏ ဥပဒေများကိုလည်း လိုက်နာပါမည်။
ပြည်ထောင်စုသမ္မတ မြန်မာနိုင်ငံတော်နှင့် နိုင်ငံသားများအပေါ် သစ္စာစောင့်သိ
ရိုသေပါမည်။ ပြည်ထောင်စု မပြိုကွဲရေး၊ တိုင်းရင်းသား
စည်းလုံးညီညွတ်မှုမပြိုကွဲရေး၊ အချုပ်အခြာအာဏာ တည်တံ့ ခိုင်မြဲရေးတို့ကို
ထာဝစဉ်ဦးထိပ်ပန်ဆင် ဆောင်ရွက်ပါမည်။ ထို့ပြင် ယခု ကျွန်ုပ် ထမ်းဆောင်
မည်ဖြစ်သော တာဝန်ဝတ္တရား များကို ဖြောင့်မတ်မှန်ကန်စွာ ဆောင်ရွက်မည်ဟု
လေးနက် တည်ကြည်စွာ ကတိသစ္စာပြုပါသည်။" ဟူ၍ ကတိသစ္စာပြုကြသည်။

ယင်းနောက် နိုင်ငံတော်သမ္မတဦးသိန်းစိန်က မိန့်ခွန်းမြွက်ကြားသည်။
ပြောကြားချက် အပြည့်အစုံမှာ အောက်ပါအတိုင်းဖြစ်သည် -

အားလုံးပဲ မင်္ဂလာအပေါင်းနဲ့ ပြည့်စုံကြပါစေ-

အခုဆိုရင် ပြည်ထောင်စုဝန်ကြီးအသစ်တွေ၊ ဒုတိယဝန်ကြီးအသစ်တွေ ကတိသစ္စာ
ပြုခဲ့ကြပါပြီ။ ပြည်ထောင်စုဝန်ကြီးအသစ်တွေ၊ ဒုတိယဝန်ကြီးတွေ ယခုလို
အသစ်ခန့်အပ်ခြင်း ခံရတဲ့အတွက် ဝမ်းသာ ဂုဏ်ယူမိကြောင်း၊ ကျွန်တော်တို့
အစိုးရအဖွဲ့က လှိုက်လှဲစွာ ကြိုဆိုကြောင်း ရှေးဦးစွာ ပြောကြားလိုပါတယ်။

ကျွန်တော်တို့ အစိုးရအဖွဲ့အတွင်းမှာ လုပ်ဖော်ကိုင်ဖက်တွေ ယခုလို
တိုးပွားလာတဲ့ အတွက် တိုင်းပြည်ရဲ့ လုပ်ငန်းတာဝန်တွေကို ပိုမိုပြီး
ထိရောက်အောင်မြင်စွာ ဆောင်ရွက်နိုင်မယ် လို့လည်း
အခိုင်အမာယုံကြည်ထားပါတယ်။ ဒီလို ယုံကြည်ထားလို့လည်း စနစ်တကျ
ရွေးချယ်ပြီး ဥပဒေနဲ့အညီ ခန့်အပ်တာဝန်ပေးခဲ့တာ ဖြစ်ပါတယ်။

ယခုလို ရာထူးတွေ တိုးမြှင့်ခန့်အပ်တာဝန်ပေးမှု ခံရခြင်းဟာ
မိမိတို့ရဲ့ကြိုးစားမှု၊ ရိုးသားမှု ကြောင့်သာဖြစ်ပြီး ကြီးလေးတဲ့ရာထူးတွေ
တိုးမြှင့်ရရှိလာတာနဲ့အမျှ မိမိတို့ ထမ်းဆောင် ကြရမယ့် တာဝန်တွေဟာလည်း
ပိုမိုပြီးကြီးမားများပြားလာမှာဖြစ်တဲ့အတွက် ဒီတာဝန် တွေကို ကျေပွန်စွာ
ထမ်းဆောင်နိုင်ကြဖို့အတွက် အရည်အချင်းတွေ၊ အရည်အသွေးတွေ ပြည့်ဝ နေအောင်
အမြဲကြိုးစားကြရမှာ ဖြစ်ပါတယ်။

တာဝန်ဆိုတဲ့နေရာမှာ နိုင်ငံတော်ရဲ့တာဝန်၊ မိမိတို့ ဝန်ကြီးဌာနရဲ့
တာဝန်တွေအပြင် တစ်ဦးချင်း စောင့်ထိန်းရမယ့် တာဝန်တွေရှိပါတယ်။
နိုင်ငံသားတစ်ယောက်အနေနဲ့ နိုင်ငံတော်ရဲ့ တာဝန်ကို ကျေပွန်ဖို့
အရေးကြီးပါတယ်။ အဓိကကျတဲ့ နိုင်ငံတော်ရဲ့ တာဝန်ဟာ ပြည်ထောင်စုကြီး
မပြိုကွဲမပျက်စီးအောင်၊ တိုင်းရင်းသား စည်းလုံးညီညွတ်မှု မပြိုကွဲ
မပျက်စီး အောင်၊ မိမိတို့ရဲ့အချုပ်အခြာအာဏာ တည်တံ့ခိုင်မြဲအောင်
ထိန်းသိမ်း စောင့်ရှောက် ကာကွယ်ရေးပဲ ဖြစ်ပါတယ်။

မိမိတို့ဝန်ကြီးဌာနရဲ့ တာဝန်ဆိုတာကတော့ ပြည်ထောင်စုအစိုးရရဲ့ တာဝန်တွေ
အောင်မြင်ဖို့ အတွက် ဝန်ကြီးဌာနအလိုက် ခွဲဝေထမ်းဆောင်နေကြတဲ့ တာဝန်တွေ
ဖြစ်ပါတယ်။ ဒီနေရာမှာ ကျွန်တော်တို့အစိုးရအဖွဲ့ရဲ့ ရည်မှန်းချက်တွေက
ဘာတွေလဲ၊ ကျွန်တော်တို့ အစိုးရအဖွဲ့ရဲ့ တာဝန်တွေ၊ ဆောင်ရွက်ချက်တွေက
ဘာတွေလဲ။ ဒါတွေကို တစ်ဦးချင်း နားလည်သိရှိ ထားကြဖို့ လိုပါတယ်။

တိုင်းပြည်ရဲ့တာဝန်၊ အစိုးရရဲ့တာဝန်တွေကို မိမိတို့ကိုယ်တိုင်
ပါဝင်လုပ်ဆောင် အကောင် အထည်ဖော်ကြရမှာ ဖြစ်တဲ့အတွက် လက်တွေ့
အကောင်အထည်ဖော်ဆောင်ရွက် ကြရာမှာ အစွန်းတစ်ဖက်သို့ ရောက်မသွားစေဖို့
အထူးသတိပြုပြီး မူဝါဒများကို ယုံယုံကြည်ကြည် ခံယူထားကြဖို့ လိုပါတယ်။
အသိမှန်မှ အလုပ်မှန်မှာ ဖြစ်ပါတယ်။

ဒီကနေ့ ကျွန်တော်တို့ အစိုးရဟာ သန်း(၆၀)သော ပြည်သူတွေရဲ့ တူညီတဲ့ အဓိက
ရည်မှန်းချက်(၂)ရပ်ကို အကောင်အထည်ဖော် ဆောင်ရွက်ရင်း နေ့စ္စဓူဝ
ပြည်သူတွေရဲ့ လိုအပ်ချက်တွေ အတတ်နိုင်ဆုံး အဆင်ပြေချောမွေ့အောင်
ကြိုးပမ်းဆောင်ရွက်နေတာ ဖြစ်ပါတယ်။ ပြည်သူတွေရဲ့ တူညီတဲ့ အဓိကဆန္ဒဟာ
တိုင်းပြည် တည်ငြိမ်အေးချမ်းရေးနဲ့ တိုင်းပြည်ဖွံ့ဖြိုး
တိုးတက်ရေးတို့ပဲဖြစ်ပြီး ပြည်သူတွေရဲ့ နေ့စ္စဓူဝ လိုအပ်ချက်တွေကတော့
အလုပ်အကိုင်ရရှိရေး၊ ထိုက်သင့်တဲ့ ဝင်ငွေရရှိရေး၊ စားဝတ်နေမှု အဆင်ပြေရေး၊
ပညာရေး၊ ကျန်းမာရေး တို့အပြင် ရေ၊ မီးနဲ့ သွားလာရေး အဆင်ပြေ
ကောင်းမွန်ရေးတို့ ဖြစ်ပါတယ်။

ကျွန်တော်တို့ အစိုးရဟာ ပြည်သူတွေရဲ့ ဆန္ဒတွေကို အတတ်နိုင်ဆုံး
ဖြည့်ဆည်းပေးနိုင်ဖို့ ကြိုးပမ်းဆောင်ရွက်နေရတာ ဖြစ်တဲ့အတွက် ဒီဆန္ဒတွေကို
အလေးအနက် ထားရပါမယ်။ အစိုးရရဲ့ ဆောင်ရွက်ချက် မှန်သမျှဟာ ပြည်သူတွေရဲ့
အဆင်ပြေ ချောမွေ့မှု၊ စိတ်ချလုံခြုံမှု၊ စိတ်ကျေနပ် စိတ်ချမ်းသာမှုတွေကို
ဖော်ဆောင်ပေးနိုင်ဖို့ လိုပါတယ်။ ပြည်သူတွေရဲ့ ဆန္ဒ တွေကို အခြေပြုပြီး
ဖော်ထုတ်ထားတဲ့ မူဝါဒတွေ၊ ရည်မှန်းချက်တွေ ဖြစ်တဲ့အတွက် လက်တွေ့
အကောင်အထည်ဖော် ဆောင်ရွက်ကြရာမှာလည်း ပြည်သူတွေကို
ဗဟိုပြုပြီးဆောင်ရွက်ကြဖို့ လိုအပ်မှာ ဖြစ်ပါတယ်။

ခေတ်ပြောင်း စနစ်ပြောင်းမှာ အပြောင်းအလဲတွေ သိသာထင်ရှားစွာ ထွက်ပေါ်လာဖို့
အတွက် ကျွန်တော်တို့ အစိုးရအဖွဲ့ကို အပြောင်းအလဲ လုပ်ခဲ့တာ ဖြစ်ပါတယ်။
လက်တွေ့မှာ ပြည်သူ့ ရေးရာဝန်ဆောင်မှုတွေကို ဖြည့်ဆည်းဆောင်ရွက်ပေးကြတဲ့
နေရာမှာ အမှန်တကယ် ပြောင်းလဲလာဖို့၊ ပြည်သူတွေကို အလေးအမြတ်ထားတဲ့
ကောင်းမွန်တဲ့ အပြောင်းအလဲတွေ ဖြစ်ထွန်းပေါ်ပေါက်လာဖို့ ပြည်သူတွေအကြားမှာ
ဘယ်လိုအခက်အခဲတွေ ကြုံတွေ့ နေရတယ်၊ ဘာတွေလိုလားတောင့်တနေကြတယ်၊ ဒါတွေကို
သိရှိနားလည်အောင် လုပ်ကြဖို့ လိုပါတယ်။ ပြည်သူတွေအကြားမှာ
နေထိုင်ရှင်သန်နေကြရတဲ့ ပြည်သူ့ဝန်ထမ်းတွေ ဖြစ်တာနဲ့အညီ ဂုဏ် သိက္ခာ
မြင့်မားတဲ့ အစိုးရယန္တရား တစ်ရပ် ပီပီပြင်ပြင် ဖြစ်ပေါ် လာအောင်၊ အထက်က
ညွှန်ကြားမှ ဆောင်ရွက်တာ၊ မီဒီယာတွေမှာ ထောက်ပြလာမှ ဆောင်ရွက်တာ စတဲ့
အမှုမဲ့ အမှတ်မဲ့ လုပ်ရပ်တွေကိုလည်း ရှောင်ရှားကြဖို့ လိုပါတယ်။
ကျွန်တော့အနေနဲ့ ပြည်ထောင်စုဝန်ကြီးတွေ၊ ဒုတိယဝန်ကြီးတွေကို
ယုံကြည်စွာနဲ့ တာဝန် တွေ အပ်နှင်းပေးလိုက်ပါပြီ။ ပြည်ထောင်စုဝန်ကြီးတွေ၊
ဒုတိယဝန်ကြီးတွေ အနေနဲ့လည်း လက်အောက်မှာရှိနေတဲ့ အစိုးရဝန်ထမ်း အရာရှိ
အဆင့်ဆင့်ကို ယုံကြည်စွာနဲ့ တာဝန်တွေ ခွဲဝေအပ်နှင်းပေးကြဖို့ လိုပါတယ်။
ရှင်းလင်း လွယ်ကူပြီး တိကျပြတ်သားတဲ့ လုပ်ငန်းစဉ်တွေ ချမှတ်
ပေးကြဖို့လိုပါတယ်။ ကျွန်တော်တို့အစိုးရရဲ့ ပြုပြင် ပြောင်းလဲမှုတွေဟာလည်း
ပြည်သူ တွေနဲ့ အမှန်တကယ် ထိတွေ့ ဆက်ဆံနေကြရတဲ့ အောက်ခြေဝန်ထမ်း
အဆင့်ဆင့်အထိ ရောက်ရှိဖို့ လိုပါတယ်။ ဒါမှသာလျှင်
အစိုးရအုပ်ချုပ်ရေးယန္တရားအတွက် ခေတ်အဆက်ဆက် မလိုလားအပ်တဲ့ အနှောင့်အယှက်
အတားအဆီးတွေ ဖြစ်ခဲ့တဲ့ ကြိုးနီစနစ်တွေ လျော့နည်း ပပျောက် သွားစေမှာ
ဖြစ်ပါတယ်။

ဒီတာဝန်တွေဟာ အလွန်မှ ကြီးမားကျယ်ပြန့် များပြားပြီး တစ်ရက်တည်း၊
တစ်လတည်း၊ တစ်ဦးတစ်ယောက်တည်းနဲ့ လုပ်လို့လည်း မရနိုင်တဲ့ တာဝန်တွေ
ဖြစ်ပါတယ်။ ဒီတာဝန်တွေ အောင်မြင်ဖို့ အတွက် အစိုးရတစ်ဖွဲ့တည်း အားနဲ့တင်
မရဘဲ မိဘပြည်သူတွေပါ ပါဝင်ပြီး တက်ညီ လက်ညီ ဦးထမ်းပဲ့ထမ်းနဲ့ လုပ်ကြရမှာ
ဖြစ်ပါတယ်။ ပြည်သူတွေရဲ့အားကို ရယူနိုင်ဖို့အတွက် ပြည်သူတွေ လေးစား
ယုံကြည်တဲ့ အစိုးရအဖွဲ့ ဖြစ်ဖို့ လိုအပ်ပါတယ်။ ဒီကနေ့ ပြည်သူတွေဟာ
ကျွန်တော်တို့ အစိုးရအပေါ်မှာ မြင့်မြင့်မားမား မျှော်လင့်ချက် ထားနေကြတာ
အားလုံး အသိပဲ ဖြစ်ပါတယ်။ ပြည်သူတွေရဲ့ လိုလားချက်ဆန္ဒတွေ ထားရှိတဲ့
မျှော်လင့်ချက်တွေကို အတတ်နိုင်ဆုံး ပြည့်ဝအောင်မြင်လာအောင်
ကျွန်တော်တို့ အစိုးရ အဖွဲ့ တစ်ရပ်လုံးက အားသွန်ခွန်စိုက်
ဆောင်ရွက်ကြရမှာ ဖြစ်ပါတယ်။

ဒါကြောင့် ကျွန်တော်တို့ အစိုးရအဖွဲ့ အနေနဲ့ ကောင်းမွန်တဲ့ အစိုးရ၊
သန့်ရှင်းတဲ့အစိုးရ ဖြစ်အောင် အားသွန်ခွန်စိုက် ကြိုးပမ်း ဆောင်ရွက်
ကြရပါမယ်။ ကောင်းမွန်တဲ့အစိုးရ၊ သန့်ရှင်းတဲ့ အစိုးရ ဖြစ်စေဖို့အတွက်
ကျွန်တော်တို့ တစ်ဦးချင်းမှာ တာဝန်ရှိပါတယ်။ ကိုယ်တစ်ဦးချင်း
ကောင်းရုံနဲ့လည်း မရပါဘူး။ အဖွဲ့အစည်းတစ်ခုကို တာဝန်ခံ၊ တာဝန်ယူ
ထားကြရသူများ ဖြစ်ကြတဲ့အတွက် ကိုယ်ကောင်းသလို ကိုယ့်အဖွဲ့အစည်း
ကောင်းအောင် လည်း လုပ်ကြရပါမယ်။ ကိုယ့်အဖွဲ့အစည်း ကောင်းအောင်
တည်ဆောက်ရာမှာ ခေါင်ကလုံမှ တံစက်မြိတ်လည်း လုံမှာဖြစ်တဲ့အတွက်
ကိုယ့်ကိုယ်ကို ကောင်းအောင် အရင်ဆုံး တည်ဆောက်ကြဖို့ ပြောကြားလိုပါတယ်။
အလားတူပဲ မိမိတို့ဝန်ကြီးဌာန၊ မိမိတို့အဖွဲ့ အစည်း တွေနဲ့ ပတ်သက်တဲ့
ပြည်သူတွေရဲ့ ရှုမြင်ချက်၊ သတ်မှတ်ချက်တွေ အတွက်လည်း မိမိတို့မှာ အဓိက
တာဝန်ရှိကြောင်း သတိပြုကြစေ လိုပါတယ်။

နိဂုံးချုပ်အနေနဲ့ ပြောကြားလိုတာကတော့ ဖွဲ့စည်းပုံအခြေခံ ဥပဒေကို
လေးစားလိုက်နာပါ၊ ဒို့တာဝန်အရေး(၃) ပါးကို ဦးထိပ်ထားပြီး အလုပ်လုပ်တဲ့အခါ
အမှားမှား အယွင်းယွင်း မဖြစ်စေဖို့ ဝန်ကြီးဌာနအလိုက် တည်ဆဲဥပဒေ၊
နည်းဥပဒေ၊ အမိန့်၊ ညွှန်ကြားချက်၊ လုပ်ထုံး လုပ်နည်းတွေနဲ့အညီ ကြိုးစား
အကောင်အထည် ဖော်ကြပါ။ နိုင်ငံတော်ရဲ့ မူဝါဒ၊ အစိုးရအဖွဲ့ရဲ့
ရည်မှန်းချက်နဲ့ ကိုယ့်ဝန်ကြီးဌာနရဲ့ လုပ်ငန်း တာဝန်တွေကို
သိရှိနားလည်ပြီး အလုပ်ကို ရိုးရိုး သားသားနဲ့ စေတနာထား
ကြိုးစားလုပ်ဆောင်ကြပါ။ စေတနာအလျောက် လုပ်မှားကိုင်မှား ဖြစ်တာကို
ကျွန်တော့်အနေနဲ့ တာဝန်ယူ ပြုပြင် ပေးသွားမှာ ဖြစ်ပါတယ်။ သို့သော်လည်း
ကိုယ်ကျင့်တရား၊ စာရိတ္တမဏ္ဍိုင်နဲ့ ပတ်သက်ပြီး တစ်ဦးချင်း ပုဂ္ဂိုလ်ရေး
မမှားကြဖို့ ပြောကြား ရင်း နိဂုံးချုပ် လိုက်ပါတယ်။

ဆက်လက်၍ အခမ်းအနားမှူးက နိုင်ငံတော်သမ္မတမြွတ်ကြားခဲ့သော မိန့်ခွန်းကို
မှတ်တမ်း တင်ခွင့်ပြုပါရန် တင်ပြရာနိုင်ငံတော်သမ္မတက ခွင့်ပြုသည့်အတွက်
နိုင်ငံတော် သမ္မတ ဦးသိန်းစိန်၏ မိန့်ခွန်းကို မှတ်တမ်းတင်ကြောင်း
ကြေညာသည်။

ထို့နောက်အခမ်းအနားမှူးက ကတိသစ္စာပြုခြင်း အခမ်းအနား
အောင်မြင်စွာပြီးမြောက် ကြောင်း ကြေညာပြီး အခမ်းအနားကို
ရုပ်သိမ်းလိုက်သည်။

အခမ်းအနားအပြီးတွင် နိုင်ငံတော်သမ္မတနှင့် ဒုတိယသမ္မတများ မှတ်တမ်းတင်
ဓါတ်ပုံ ရိုက်ကူးခြင်း၊ နိုင်ငံတော်သမ္မတ၊ ဒုတိယသမ္မတများနှင့်
ပြည်ထောင်စုဝန်ကြီးများ မှတ်တမ်း တင် ဓါတ်ပုံရိုက်ကူးခြင်းနှင့်
နိုင်ငံတော်သမ္မတ၊ ဒုတိယသမ္မတများနှင့် ဒုတိယဝန်ကြီးများ မှတ်တမ်းတင်
ဓါတ်ပုံရိုက်ကူးခြင်း တို့ကို ဆောင်ရွက်ကြသည်။

ညပိုင်းတွင် နိုင်ငံတော်သမ္မတဦးသိန်းစိန်က ယနေ့အခမ်းအနားသို့ တက်ရောက်လာကြ
သူများနှင့် တိုင်းဒေသကြီးနှင့် ပြည်နယ်များမှ
တိုင်းရင်းသားရေးရာဝန်ကြီးများအား ထမင်းစား ခန်းမ၌ ဂုဏ်ပြုညစာဖြင့်
တည်ခင်း ဧည့်ခံသည်။ ညစာသုံးဆောင်နေစဉ် ယဉ်ကျေးမှု ဝန်ကြီးဌာန
အနုပညာဦးစီးဌာနမှ အနုပညာရှင်များက တေးသံသာများဖြင့် ဧည့်ခံ ဖျော်ဖြေသည်။

Ref :http://www.president-office.gov.mm/zg/briefing-room/news/2012/09/10/id-1219

ညစာသုံးဆောင် အပြီးတွင် နိုင်ငံတော်သမ္မတ ဦးသိန်းစိန်က တက်ရောက်လာကြ
သူများအား ရင်းရင်းနှီးနှီး လိုက်လံနှုတ်ဆက်သည်။