ကိုယ့်ကိုကိုယ် မညာနဲ့

အရေးကြီးတဲ့အချက်က ကိုယ့်ကိုကိုယ် မညာဖို့။ လူတွေဟာ ကိုယ့်ဘဝရဲ့ တကယ်အဓိပ္မါယ်မရှိတာ အနှစ်သာရမရှိတာကို ကိုယ့်ဟာကိုယ် ရိုးရိုးသားသား ကြည့်ဖို့လက်ခံဖို့ အင်မတန် ကြောက်တယ်။ ကြောက်တော့ ကိုယ့်ကိုယ်ကို နည်းမျိုးစုံနဲ့ ညာနေကြတယ်။ ငါ့မှာ ပစ္စည်းဥစ္စာရှိတယ်၊ အိမ်ရှိတယ်၊ ကားရှိတယ်၊ ဘွဲ့ရှိတယ်၊ ရာထူးရှိတယ်၊ ဒါကြောင့် ငါ့ဘ၀ဟာ အဓိပ္ပာယ်ရှိတယ်၊ အနှစ်သာရရှိတယ်။ ဒီလို ပစ္စည်းဥစ္စာ ရာထူးတွေအကုန်လုံးပြည့်စုံတဲ့အတွက်ကြောင့် ငါ့ကို လူတွေက ချစ်ခင်ကြတယ်၊ လေးစားကြတယ်လို့ ထင်နေကြတယ်။ တစ်ယောက်ကိုတစ်ယောက် အပြန်အလှန်ညာပေးနေကြတာနဲ့ တူနေတယ်။

ပစ္စည်းဥစ္စာကြောင့် ရာထူးကြောင့် ဘွဲ့ကြောင့် ကိုယ့်ကို ချစ်တယ် လေးစားတယ်ဆိုရင် အဲဒါ ချစ်တာလည်းမဟုတ်ဘူး၊ လေးစားတာလဲမဟုတ်ဘူး။ အဲဒါ အတုတွေ။ သူများကလည်း ကိုယ့်ကိုအောင်မြင်နေတယ်၊ အဆင်ပြေနေတယ်၊ ကျေနပ်စရာကောင်းပါတယ်လို့ထင်အောင် ညာပေးနေတယ်။ တစ်ကယ်တော့ တစ်ယောက်ထဲ ကိုယ့်ဘ၀ကိုကိုယ် ထိုင်စဉ်းစားလိုက်မယ်ဆိုရင် ပေါလောကြီးပေါ်နိုင်ပါတယ်။ ငါ့မှာ ဘာတွေရှိနေရှိနေ တစ်ကယ်တော့ ငါ့ဘ၀ဟာ အဓိပ္ပာယ်မရှိနိုင်ပါဘူး။ ပစ္စည်းဥစ္စာတွေ ဘယ်လောက်ရှိနေရှိနေ ငါ့မှာ တစ်ကယ်တော့ အဖော်မရှိဘူးဆိုတာ သိနိုင်ပါတယ်။ အဓိပ္ပာယ်မရှိဘူးဆိုတာ သိနိုင်ပါတယ်။ ဒါကြောင့် ကိုယ့်ကိုယ်ကို ဆက်ပြီးတော့ မလိမ်ဖို့၊မညာဖို့ အရေးကြီးပါတယ်။

ကိုယ့်ဘ၀မှာ တစ်ကယ် empty ဖြစ်နေတာ၊ အဓိပ္ပာယ်မရှိ ဖြစ်နေတာ၊ ကိုယ့်ဘ၀ကြီးဟာ တစ်ကယ်တော့ ပျင်းစရာ ကောင်းနေတာ၊ ကျေနပ်စရာမရှိတာကို လက်ခံရမှာ တော်တော်ခက်နေတယ်။ လက်ခံရမှာကို အင်မတန် ကြောက်တယ်။ အဲဒီတော့ ခဏဖြစ်ဖြစ် သက်သာအောင်ဆိုပြီးတော့ ကိုယ့်ကိုယ်ကိုညာနေကြတယ်။ ကိုယ့်ပတ်ဝန်းကလည်း ကိုယ့်ကို ညာပေးနေတယ်။ နင့်ဘ၀ဟာ သိပ်ဟုတ်နေတာ၊ သိပ်အဆင်ပြေနေတာ၊ သိပ်ကျေနပ်စရာကောင်းနေတာဆိုပြီး ၀ိုင်းညာပေးနေတာကို ကိုယ့်ကလည်း ယုံချင်နေတော့ ယုံလိုက်တာပဲ။

အဲဒီလို ကိုယ့်ကို သူများက ညာတာကိုလည်း အညာမခံဖို့၊ ကိုယ့်ကိုယ်ကိုလည်း မညာဖို့နဲ့ ကိုယ့်ကလည်းသူများကိုမညာဖို့ အင်မတန်အရေးကြီးပါတယ်။ ဒီလိုဆက်ပြီးတော့ ညာနေသေးသ၍ တစ်ကယ်အဓိပ္ပာယ်ရှိတဲ့ဘ၀၊ အနှစ်သာရရှိတဲ့ဘ၀၊ တစ်ကယ်ကျေနပ်စရာကောင်းတဲ့ ဘ၀ကို ရဖို့ မဖြစ်နိုင်တော့ဘူး။

ဒါကြောင့် အမှန်ကို ရိုးရိုးသားသားပဲ လက်ခံလိုက်ဖို့ လိုတယ်။ လက်ခံပြီးနောက် ကိုယ့်ဘ၀ကို တစ်ကယ်အဓိပ္ပာယ်အနှစ်သာရ ရှိစေမယ့် အရာဟာ ဘာလဲဆိုတာကို သိအောင်လုပ်ရမယ်။ ခိုင်မာတဲ့၊ လေးနက်တဲ့၊ ရင့်ကျက်တဲ့၊ မြင့်မြတ်တဲ့ value၊ တန်ဖိုးထားစရာ ရှိမှဖြစ်မယ်။ တစ်ကယ်အဓိပ္ပာယ်ရှိတဲ့ အလုပ်တွေကို၊ မိမိအတွက် ရေရှည် တစ်ကယ်အကျိုးရှိတဲ့၊ အများအတွက်လည်း ရေရှည် တစ်ကယ်အကျိုးရှိတဲ့ အလုပ်တွေကို လုပ်နေဖို့လိုပါတယ်။

လူအများနဲ့ဆက်ဆံတဲ့အခါမှာလည်းပဲ တစ်ယောက်ကိုတစ်ယောက် မြှောက်ပင့်ပြီးတော့ ညာနေတဲ့ဆက်ဆံရေးမျိုး ဆက်ပြီးတော့ မလုပ်တော့ပဲနဲ့ ရိုးရိုးသားသား ပွင့်ပွင့်လင်းလင်း ဆက်ဆံတဲ့ ဆက်ဆံရေးမျိုး ဖြစ်ပေါ်လာအောင် ကြိုးစားပြီး တည်ဆောက်ဖို့လိုတယ်၊

ကိုယ့်ကိုယ်ကိုကိုယ် တစ်ကယ်တော့ အောင်အောင်မြင်မြင်ကြီး ညာလို့မရနိုင်ဘူးဆိုတာကို အမှန်တိုင်း လက်ခံနိုင်လာပြီဆိုရင် ကိုယ့်ကိုယ်ကိုကိုယ် တစ်ကယ် အလေးထားလိုက်ပြီဆိုရင် (ကိုယ့်ကိုယ်ကို ညာတယ်ဆိုတာ အမှန်တော့ ကိုယ့်ကိုကို ညာလို့ရတဲ့လူလို့ ထင်နေတာပဲ၊ ကိုယ့်ကိုယ်ကို ဘာမှမသိတဲ့ ညာလို့ရတဲ့ ကလေးလို့ သဘောထားနေတာပဲ) " ငါ့ကိုယ်ငါ ညာလို့မရဘူး " ဆိုပြီးတော့ ကိုယ့်ကိုယ်ကို တစ်ကယ် seriously လက်ခံလာပြီဆိုရင် ကိုယ့်ဘ၀ ပိုပြီးအဓိပ္ပာယ်ရှိလာအောင်၊ ပြန်ပြီးတော့ အဓိပ္ပာယ်ရှိလာအောင်၊ နာလံထူလာအောင်၊ ကိုယ့်ရဲ့စိတ်ဆင်းရဲမှုတွေ ကိုယ့်ရဲ့သောကတွေ လွန်မြောက်သွားလာအောင် လုပ်ပေးနိုင်တဲ့ အင်အားတွေ စွမ်းရည်တွေက်ို ကိုယ့်စိတ်ထဲမှာပဲ ပြန်တွေ့လာမှာ ဧကန်မုချပဲ။

ဒီအချက်ကို အင်မတန် လေးလေးနက်နက် သဘောပေါက်ဖို့ လက်ခံဖို့ လိုတယ်။ ဆက်ပြီးတော့ ညာမနေပါနဲ့။ အမှန်တရားကို အမှန်တိုင်း လက်ခံလိုက်ပါ။

ကိုယ့်အင်အားဟာ ကိုယ့်အတွင်းကနေ ထွက်လာပြီဆိုရင် အဲဒီအင်အားဟာ တမျှင်းမျှင်းနဲ့ ထွက်နေအုံးမယ်၊ ခမ်းမသွားဘူး။ ရေကန်ထဲမှာရေထည့်ပြီး ခပ်သုံးနေရင် တဖြေးဖြေး လျော့သွားမယ်၊ ကုန်သွားမယ်။ မြေကြီးအောက်က ရေကြောထိ ရောက်အောင် တူးထားတဲ့ တွင်းရေကို ခပ်သုံးနေမယ်ဆိုရင် ဘယ်လောက်သုံးသုံး ဘယ်တော့မှ မခမ်းဘူး။

ကိုယ့်ရင်ထဲမှာပဲ အင်အားတွေရဲ့ပင်းရင်းဌာနကို ရှာရမယ်၊ ကိုယ့်ရဲ့အကျင့်သီလ၊ အကျင့်သိက္ခာ၊ ကိုယ့်ရဲ့ရိုးသားမှုရဲ့ ပင်းရင်းဌာနကို ကိုယ့်ရဲ့ရင်ထဲမှာပဲ ရှာရမယ်။

တန်ဖိုးထားစရာရဲ့ပင်ရင်းကို ကိုယ့်ရင်ထဲမှာပဲ ရှာရမယ်။ အဲသလို တန်ဖိုးထားစရာတွေကို ကိုယ်ကလည်း အသိအမှတ်ပြုရမယ်။ ကိုယ့်ရဲ့အသိုင်းအ၀ိုင်းထဲမှာ ရှိနေတဲ့ value တွေကိုလည်းပဲ သေသေချာချာ သိအောင်လုပ်ရမယ်။ တန်ဖိုးထားစရာတွေကို အသိအမှတ်ပြုရမယ်။

တန်ဖိုးထားစရာတွေကို တန်ဖိုးထားနိုင်တဲ့စွမ်းရည် ကိုယ့်မှာရှိမှသာ အဲဒီတန်ဖိုးထားစရာဟာ တစ်ကယ်ထိရောက်တယ်လို့ ပြောလို့ရတယ်။ ကိုယ့်ကတန်ဖိုးထားတက်တဲ့သူဖြစ်မှ တန်ဖိုးထားနုိူင်တဲ့စိတ်ထားရှိမှ ကိုယ်တန်ဖိုးထားတဲ့အရာက ကိုယ့်ကိုအားရှိစေမယ်။ ကိုယ်ကတန်ဖိုးထားမှ သူ့ဆီက energy ကိုကိုယ်ရမယ်။

တန်ဖိုးထားစရာက်ို ကိုယ်ကပဲ သေသေချာချာ ရွေးချယ်ဖို့၊ တန်ဖိုးထားဖို့၊ အဲဒီတန်ဖိုးထားစရာတွေက်ို နေ့စဉ် ကျင့်သုံးနေဖို့ အဲဒါ အရေးကြီးတဲ့အချက်ဖြစ်တယ်။သူများ ရွေးပေးလို့ မရဘူး။ ကိုယ်တိုင်ရွေးရမယ်။

ကိုယ့်ဘ၀ကိုကိုယ် တစ်ကယ်နှစ်နှစ်ကာကာ ကျေနပ်မှုရချင်ရင်ရနူိုင်ဖို့ တစ်နည်းပဲရှိတယ်။ အဲဒီနည်းက ကိုယ်ဘာကို နှစ်နှစ်ကာကာ တန်ဖိုးထားသလဲ၊ ကိုယ်တန်ဖိုးအထားဆုံးအရာဟာ ဘာလဲဆိုတာကို သိအောင်လုပ်ပြီးတော့ နေ့တိုင်း ကိုယ်တန်ဖိုးထားတာကို အကောင်အထည်ဖော်ရင်း နေသွားတာပဲ။

တန်ဖိုးထားစရာကို ပြတ်ပြတ်သားသား ရွေးချယ်ပြီးတော့ စိတ်ပါလက်ပါ ကျင့်သုံးလိုက်ခြင်းအားဖြင့် ပိုပြီးတော့ ကျေနပ်စရာကောင်းတဲ့ ထိရောက်တဲ့ လူ့အသိုင်းအ၀ိုင်းကြီးတစ်ခုကို တစ်ဦးချင်းက တည်ဆောက်နိုင်လာလိမ့်မယ်။ အဲဒီလို တည်ဆောက်လာနိုင်မှသာ အခုလို အင်မတန် မအေးချမ်းတဲ့ (သောက) ခေတ်ကာလကြီးကို ကျော်လွှားနိုင်မယ်။

(ဆရာတော်ဦးဇောတိက)